Два американски ловци пресретнале четири руски авиони во близина на Алјаска, соопшти синоќа Северноамериканската команда за воздушна одбрана (NORAD).
„Рутинското“ пресретнување на руски авиони, како модели на бомбардери Ту-95 и ловци Су-35, се случи вчера, се вели во соопштението на NORAD.
Станува збор за операција за следење на потенцијално ривалски авион за кој се смета дека е премногу блиску или навлегол во воздушниот простор на една земја.
„Руските авиони останаа во меѓународниот воздушен простор и не влегоа во американскиот или канадскиот суверен воздушен простор“, се вели во соопштението.
Се додава дека ваквата руска активност се случува редовно и дека „тоа не се смета за закана или провокативна активност“.
Пресретнување е рутинска операција, борбените авиони стационирани во Северна Америка имаа можност да спроведат ретки офанзивни воздушни акции во февруари кога соборија кинески балон, за кој Вашингтон верува дека бил шпион, кај источниот брег на САД и три други летечки објекти.