161
Американскиот државен секретар Ентони Блинкен денеска ја отфрли идејата сега да се воведат економски санкции кон Русија, велејќи дека тие ќе ја намалат способноста на Западот да спречи можна руска агресија врз Украина.
„Кога станува збор за санкции, нивната цел е да ја спречат руската агресија. Да се активираат сега, ќе го загубиме тој ефект”, рече Блинкен во интервју за Си-Ен-Ен.
Блинкен додаде дека и најмалиот агресивен руски влез во Украина ќе наиде на силен одговор.
На прашањето дали рацете на САД во однос на Украина се врзани поради потребата од руска поддршка во одвоените преговори за иранската нуклеарна програма, Блинкен, како гостин во програмата на каналот Си-Би-Ес, одговори дека „ни најмалку не се“.