Американскиот војник Тревис Кинг, кој пребегна во Северна Кореја во јули пред да биде депортиран во САД минатиот месец, е обвинет за дезертерство. Дезертерството е многу сериозно обвинение и може да резултира со затворска казна до три години.
Кинг е обвинет и дека минатата година насилно се однесувал кон полицајци, нелегално поседувал алкохол, давал лажни изјави итн.
Во јули, тој пребегна преку границата со Северна Кореја, со што стана првиот Американец приведен во таа земја во речиси пет години.
По речиси два месеци, од Пјонгјанг одеднаш беше објавено дека ќе го протераат.
Неговото ослободување беше олеснето од шведски официјални лица кои го одведоа Кинг до кинеската граница, каде што беше пречекан од американскиот амбасадор во Кина Николас Барнс, шведскиот амбасадор во Пекинг и претставници на американското Министерство за одбрана. Тој потоа беше префрлен во американска воена база во Јужна Кореја пред да биде префрлен во САД.
Бидејќи, како што изјави, доброволно ја преминал границата, во текот на целиот процес законски бил задржан во воен притвор.
Тој пристигна во воздухопловната база во Тексас на 28 септември.
Западните власти соопштоја дека не знаат зошто Северна Кореја одлучила да го ослободи Кинг од притвор, но мислат дека Пјонгјанг утврдил дека како војник од низок ранг нема пристап до важни информации.