Американските компании загубиле 300 милијарди долари со напуштањето на Русија, изјави за Си-Ен-Ен Кирил Дмитриев, директор на Рускиот фонд за директни инвестиции (РДИФ).
„Мислам дека она што го сакаме е добар дијалог. Всушност, американските компании загубија 300 милијарди долари со напуштањето на Русија. Затоа мислам дека е важно да се истакне дека поради недостигот на соработка во американската економија има огромна загуба од 300 милијарди долари за американските компании“, рече Дмитриев.
Тој, исто така, посочи дека економијата на САД и Русија би можеле да имаат корист од меѓусебната соработка.
Според директорот на РДИФ, изгледите за преговори се во дијалог и изнаоѓање на најдобро решение за САД, Русија, другите земји и меѓународната заедница. Тој нагласи дека Американците и поранешниот американски претседател Доналд Трамп се „одлични решавачи на проблемите“.
Дмитриев укажа на потребата од градење мостови и важноста од воспоставување односи меѓу Москва и Вашингтон за целиот свет.
Дополнително, директорот на рускиот фонд за директни инвестиции изјави за еден ТВ канал дека веќе се сретнал со некои претставници на американскиот тим во Ријад.