Менаџерот на Манчестер Јунајтед, Рубен Аморим, му кажал на раководството на клубот дека сака напаѓачот Виктор Ѓекереш да пристигне на „Олд Трафорд“ веќе во јануари.
Голгетерот на Спортинг Лисабон се поврзуваше со трансфер во редовите на „црвените ѓаволи“ веднаш штом стана јасно дека стручњакот ќе го преземе тимот. Португалецот нема намера да чека до летото и инсистира да го ангажира напаѓачот во јануарскиот преоден рок, тврдат од Островот.
Почетокот на Рубен Аморим во Манчестер Јунајтед е кошмар и тој ќе прави големи промени, а се очекува Маркус Рашфорд и Џошуа Зиркзе први да заминат. Антонио исто така гледа кон излезот. Јунајтед прво ќе мора да се раздели со некои од непотребните играчи за да си го дозволи Виктор Ѓекереш, за кој има интерес од многу други гиганти, а неговата цена е околу 80 милиони евра.
Ѓекереш работеше со Аморим во Спортинг откако напаѓачот се приклучи на тимот од Ковентри во 2023 година. Оттогаш, Швеѓанецот одигра 49 натпревари за португалскиот тим и постигна 47 гола. Се чини дека Аморим има желба повторно да се обедини со фудбалерот во Јунајтед и нема намера да чека.