АМСМ преку соопштение објави дека колони возила утрово има на граничниот премин „Табановце“ каде се чека и подолго од еден час за излез од државата.
-Интензитетот на сообраќај на патните правци надвор од градските средини е умерен. На граничниот премин Табановце, за влез и за излез од државата се чека околу 1 час. На граничниот премин Богородица, за излез од државата се чека околу 20 – 30 минути. На останатите гранични премини, нема подолги задржувања за влез и излез од државата, велат од Автомотосојузот на Македонија.
На премините „Богородица“ кон Грција и „Блаце“ кон Косово, според АМСМ за излез се чека околу 20-30 минути.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.