По мала пауза, Google продолжи да објавува ажурирани податоци за дистрибуцијата на различни верзии на Android. Податоците се за уредите за пристап до Google Play за неделата, која заврши на 31-ви август.
Во податоците нема конкретни изненадувања. Двете изданија на Android 8 Оrео продолжија да добиваат интензитет и сега имаат вкупно 14,6%. Nougat останува најрспространетата Android верзија со учество од 30,8%, додека сите други изданија се намалени. Marshmallow е инсталиран на 22,7% од телефоните и таблетите, додека Lollipop сè уште има удел од 19,2%.
Со уште постарите верзии на оперативниот систем, речиси и да нема промени, но интересно е да се забележи дека Android 4.4 Kitkat, кој веќе има 5 години, сè уште се користи во 8.6% од уредите.
Android 9 Pie сè уште не е вклучен во статистиката, а причината за ова е тривијална. Google објавува само податоци за верзии на оперативниот систем со учество над 0,1% и очигледно Pie уште не ја достигнал оваа вредност. Ова е логично со оглед на фактот дека во моментов е достапен само за телефони од Pixel сериите и уште 2-3 модели од други производители.
