25
Англија би можела да има повеќе од шест милиони нови случаи на рак до 2040 година, предупредија добротворните организации за борба против ракот.
Коалиција од повеќе од 60 организации, вклучувајќи ја и Cancer Research UK, повикува на итна акција од владата за подобрување на третманот на ракот во земјата, вклучително и побрза дијагноза и подобри превентивни мерки, објави Sky News.
Истражувањето предвидува дека бројот на дијагнози ќе се зголеми за 14,2 проценти во текот на следните 15 години, со рекорден број на случаи на рак на простата и дојка.