Англиските играчи беа цел на расистички навреди од дел на унгарските навивачи на квалификацискиот натпревар за Светското првенство во Будимпешта, објавија британските медиуми.
Новинарите на ИТВ и Скај Спортс од терен објавија за расистички навреди упатени кон Рахим Стерлинг и резервистот Џад Белингем.
Англиските фудбалери клекнаа пред натпреварот за поддршка на „Black Lives Matter“, кога добија громогласни свирежи на „Пушкаш арена“.
Кога Стерлинг го прослави првиот гол и славеше пред противничките навивачи, бројни пластични чаши полетаа на теренот.
Англискиот тренер Герет Саутгејт по натпреварот рече дека не слушал расистички извици, но ја повтори позицијата на тимот за тоа.
„Ако тоа е вистина, тогаш е неприфатливо. Не бевме свесни за тоа и не знам дали играчите слушнаа на теренот, но секој знае што мислиме за тоа. Разговараме веќе две или три години “, рече Саутгејт, додавајќи:
„Се надевам дека можеме да помогнеме да се запре расизмот, не само во фудбалот, туку воопшто“, рече Саутгејт.
Унгарија веќе е казнета од УЕФА за хомофобија и расизам на натпреварите на ЕВРО 2020. Следните два натпревари под покровителство на УЕФА ќе треба да се одиграат пред празни трибини. Овие квалификации се под јурисдикција на ФИФА.
„Многу сме разочарани од приказните за расизам кон нашите играчи. Ќе побараме истрага “, објави портпаролот на Англиската фудбалска асоцијација на Твитер.
"They shouldn't be subjected to any form of racism"
"A lot of the Hungarian fans behaved themselves"
"We've got to hope that the authorities deal with that
in the right way."Hear from Gareth Southgate after racism marred England's victory in Hungary.https://t.co/nfpZkUo8dd pic.twitter.com/Ul3BHZyGDx
— BBC Sport Manchester (@BBCRMsport) September 3, 2021