Купувачите во Германија се уште многу внимаваат што ставаат во количката, а тоа важи и за храната, покажува ново истражување.
Во истражувањето нарачано од Insa од страна на централното здружение на потрошувачи, 39 отсто од испитаниците изјавиле дека цената го ограничува нивниот избор на храна. Од друга страна, 60 отсто рекле дека не мора да бираат храна по цена, јави ДПА.
Неприфатливо е здравата исхрана се повеќе да станува прашање на паричникот на потрошувачите, велат од здружението.
Здружението предлага формирање на платформа за следење на цените низ синџирот на снабдување со храна, од производители до супермаркети. Според предлогот, сите учесници во синџирот треба да бидат обврзани да ги внесат своите цени. Таквата платформа, меѓу другото, ќе ги олесни споредбите на цените по целиот синџир.
Цените на храната во Германија одамна пораснаа побрзо од просечната стапка на инфлација – повеќе од 30 отсто помеѓу 2020 и 2023 година. Меѓутоа, во декември потрошувачите плаќаа два отсто повеќе за храна отколку 12 месеци порано, додека вкупната стапка на инфлација беше 2,6 отсто.