Поранешниот напаѓач на Арсенал и Барселона, Тиери Анри беше многу критичен кон новата ѕвезда на Реал Мадрид, Килијан Мбапе, кој дефинитивно има тешки моменти во шпанскиот гигант. Анри до неодамна беше селектор на младинската репрезентација на Франција и ги водеше до финалето на Олимписките игри во Париз, но по неуспехот против Шпанија ја напушти оваа функција.
„Мислам дека во тимот се разочарани од него. Можам да го разберам тоа бидејќи не е лесно. Треба да му дадеме време, но во меѓувреме тој мора да научи да игра како број 9, да биде подготвен да се посвети на тимот“, изјави Французинот на CBS Sports. „Белингем се обидува да го направи она што се бара од Мбапе во моментов. Речиси секогаш ја презема таа задача на свој грб. Тој е човекот кој се обидува да ги скрши линиите на противникот“, вели Анри.
„Знам дека тој не е центарфор и не е она што го сака, но немојте да мислите дека на Белингам му се допаѓаат тие потези“, додаде тој.
„Мислам дека не играат добро како тим. Ниту Мбапе не е добар со топката. Ќе се подобри бидејќи не може да биде послаб од тоа. Не сакаат да ја чува топката како Дидие Дрогба, не сакаат да им ја дава топката на сите, но мора остро да напаѓа кога тимот ја има топката. Дури и Рудигер го правеше тоа во првото полувреме“, смета Тиери Анри.
Тој призна и дека во моментов на Реал Мадрид му недостига играч како Тони Крос, кој обезбедувал баланс. Родриго исто така беше многу важен минатата сезона кога тимот ја губеше топката, но сега седи на клупата.