Државната комисија за спречување на корупцијата (ДКСК) работи со полна пареа во анализирање на договорот со американско-турскиот конзорциум „Бехтел и Енка“ за изградбата на Коридорите 8 и 10Д. Ова денеска го изјави претседателката на Комисијата, Билјана Ивановска.
-Го добивме договорот и сме во фаза на анализа. Поброен тим работи на предметот и веќе им се поделени задачите. Некој е вклучен во делот за јавни набавки, некој во делот за равботни односи, некој како истражител, некој прави анализа на законите што треба да донесат… Верувајте дека бара поголема работа и анализа, истакна Ивановска.
Првиот човек на ДКСК исто така посочи дека не може да каже точен датум кога ќе заврши анализата, поради како што вели, неблагодарно е да се каже.
-Работиме на тоа со полна пареа. Кога ќе биде готово, веднаш ќе излеземе и ќе кажеме, им рече Ивановска на новинарите.