Антони може да заигра во Грција

Антони не успеа да се наметне во Манчестер Јунајтед од неговиот трансфер од Ајакс од 100 милиони евра во 2022 година.

Затоа, „црвените ѓаволи“ се обидуваат да најдат можност да се разделат со бразилското крило, кој има 1 гол на 12 натпревари од стартот на оваа сезона.

Пред фудбалерот се појави многу љубопитна можност, а тоа е да се пресели во грчкиот гигант Олимпијакос.

Шефот на клубот, Евангелос Маринакис, кој е и сопственик на Нотингем Форест, сепак не е подготвен да го купи играчот, туку го сака под кирија.

Оваа опција не ги задоволува „црвените ѓаволи“, кои сакаат засекогаш да се разделат со Антони, а тоа би можело да го уништи овој трансфер.