74
Шпанскиот актер Антонио Бандерас беше итно примен во британска болница минатата недела поради силни болки во градите, соопшти електронското издание на весникот “Сан”.
Минатиот четврток 56-годишниот актер се почувствувал лошо за време на тренингот и бил однесен во болница во округот Сари.
По медицински преглед, Бандерас бил испратен на домашно лекување. Пред новинарите Бандерас им се заблагодари на лекарите и го нарече она што се случило изолиран случај.
Хозе Антонио Домингез Бандерас е актер, продуцент и режисер, добитник на наградата “Гоја” и на две Европски филмски награди. Има и три номинации за “Златен глобус”.