Архиепископот Охридски и Македонски Стефан на Литургијата на помирување во црквата Свети Сава рече дека денеска е воспоставено канонско единство со СПЦ и дека се надева оти СПЦ ќе донесе одлука за автокефалноста на македонската Православна Црква – Охридска Архиепископија.
Архиепископот Стефан се заблагодари на СПЦ за даруваната љубов и обновувањето на македонската црква.
– Ви благодариме за неизмерната радост, дојде време да се стави крај на страдањата за православниот македонски народ и Македонската православна црква – Охридската архиепископија – рече Стефан.
Тој посочи дека е постигнато канонско заедништво на двете сестрински цркви и дека за тоа донел Соборот на Српската православна црква, неколку дена по одлуката на Вселенската патријаршија.
„Преку единство со сите за конечно решавање на нашиот статус и автокефалност, и денес доживеавме целосна радост и од вас, светост Порфиријe, да доживеете, децениската тага да ја претворите во радост“, рече Стефан.
Тој порача дека македонската црква ќе го продолжи патот кој води кон мир и кон конечно решавање на автокефалноста на таа црква.
МПЦ-ОА верува дека ќе доживее радост со одлуката на вашата светост и архиерејот на СПЦ на овој Собор, додаде Стефан.
Тој рече дека верува оти единството на СПЦ и Македонската црква ќе трае многу години, а потврда за добрата волја е денешната заедничка литургија.
– Овој денешен чин ја потврди љубовта на двете сестрински цркви – рече Стефан.