Актуелно
Почетна / Магазин / Армани: Дизајнерите ја силуваат модерната жена!

Армани: Дизајнерите ја силуваат модерната жена!

Светски познатиот италијански моден дизајнер Џорџо Армани смета дека модната индустрија ја „силува“ модерната жена со сексуално ориентираниот маркетинг, пренесува Ројтерс.

„Крајно време е да го изразам она што мислам. И ова е дека дизајнерите продолжуваат да ја силуваат женската клиентела“, рече модниот гуру во пресрет на својата модна ревија, која ќе биде претставена за време на модната недела во Милано. Осумдесет и пет годишниот дизајнер истакна пред новинарите дека кога пред дамите од секој билборд излегуваат девојки со голи гради и задник, тоа е исто така еден вид „силување“.

„Жената може да биде злоупотребена на многу начини“, коментира Армани. Без разлика дали ја тепате во подрум или ја подучувате како да се облекува на одреден начин! “

Италијанскиот моден виртуоз е познат по строго елегантниот стил, започнат уште во 1975 година, кој доби светско признание.

„Во мојата ревија ќе покажам секакви здолништа, широки и тесни панталони. Дадов широк избор на секоја жена, во зависност од нејзината чувствителност! Ми се повраќа кога ќе го слушнам зборот „тренд“. Мора да работиме за модерната жена, а не да наметнуваме трендови што може да испаднат како еднодневни“, истакнува дизајнерот.

Армани се довери дека неговата нова колекција е адресирана до „младата дама со силна волја“. Тој ќе ја претстави својата ревија за сезоната есен-зима 2020 во недела.

loading...