Прво, еболата, сега коронавирусот: Дали кубанските експерти ќе ја сузбијат оваа епидемија, пишува Дојче Веле, наведувајќи дека кубанскиот лек има важна улога во светската криза со коронавирусот. Станува збор за медикаментот Интерферон алфа-2б.
Овој антивирусен лек, според кубанскиот владин весник „Гранма“, е меѓу 30-те лекови што Пекинг ги користи за лекување на пациенти со коронавирус.
Кога станува збор за глобалната употреба на лекот, Светската здравствена организација (СЗО) во моментов е воздржана, пренесува ДВ. Медицинскиот директор на СЗО, Дина Фајфер укажува дека е невозможно да се коментираат шансите за лекување без клинички студии.
Медицинската соработка меѓу Куба и Кина сепак би можела да придонесе во борбата на социјалистичките земји против епидемијата КОВИД-19, бидејќи кубанските лекови и серуми обично не се познати за употреба во воени зони, но кубанските лекари – се, истакнува ДВ.
Се потсетува дека за ова особено се зборуваше во пресрет на епидемијата од ебола во 2014 година во Западна Африка. Куба испрати повеќе од 460 лекари и негуватели во Сиера Леоне, Либерија и Гвинеја, а 165 од нив работеле под директен налог на СЗО.
„СЗО има многу позитивно искуство со кубанските лекари кога станува збор за акцијата против ебола“, вели Берт Хофман, експерт во Кубанскиот институт ГИГА за латиноамерикански студии.
Тој предвидува дека ќе се бара кубанска експертиза во борбата против коронавирусот. „Ќе имаме коронавирус и во многу сиромашни земји со лоши здравствени системи. Ако СЗО сака да реагира на тоа, кубанските лекари би можеле да бидат ангажирани и во Африка“, вели Хофман.
„Армијата на белите мантили“, така Фидел Кастро ги нарече кубанските лекари кои служеа во меѓународни мисии. Од 1963 година, според кубанското Министерство за здравство, имаат извршено повеќе од 600.000 акции во 164 земји. Во моментов, околу 30 000 кубански експерти се ангажирани во 67 земји, особено во Африка и Латинска Америка.
Дојче Веле наведува дека има многу лекари во кубанскиот здравствен систем, но со оглед на економската криза и недостаток на девизи, нема доволно лекови и медицинска опрема. Таксистите кои се плаќаат во долари заработуваат повеќе од лекарите.
Статистичките податоци покажуваат дека Куба има успешна превенција и основна медицинска заштита, па смртноста кај децата во САД е поголема отколку во Куба. Повеќе деца се вакцинираат во Куба отколку во САД, а скоро сите граѓани преземаат мерки за спречување на рак, посочува ДВ.
Иако Куба не е медицински модел за САД, оваа социјалистичка островска држава, која одвојува само 11 отсто од својот БДП за јавното здравство, се смета за една од најнапредните во Латинска Америка и во многу африкански земји.
Сега коронавирусот стигна и во Хавана. Весникот на комунистичката партија „Гранма“ на 12 март објави дека тројца италијански туристи биле позитивно тестирани на коронавирусот.
Берт Хофман оценува дека епидемијата на коронавирусот не покажува само разлики помеѓу богатите и сиромашните, туку и меѓу диктатурата и демократијата.
“Земјите како Куба и Кина се во голема предност кога станува збор за сузбивање на епидемијата, затоа што интервенцијата на државата е директна. Постои една воена рутина; таму доколку е потребно, целиот аеродром може да се испразни. Тоа се акти на самоволие што во оваа ситуација можат да делуваат позитивно “, истакнува Хофман.