Арсенал упатил понуда во последен момент за капитенот на Вест Бромвич Џони Еванс, но таа била одбиена, соопштува „Скај Спортс“.
„Топџиите“ се обиделе да го привлечат повторно 30-годишниот играч, но од Албион дури одбиле преговори, бидејќи сметала дека предлогот ќе биде доста понизок од посакуваното.
Арсенал потроши многу средства за привлекување на Пјер Емерик Обамејанг, како и за новиот договор на Месут Озил, што изврши големо влијание врз обидот да се земе Еванс.
Очекувањата беа дека Вест Бромвич може и да се согласи да го пушти искусниот играч на „Емирати“, откако го откупи конечно Ахмед Хегази, а го привлече и Али Габр на изнајмување од Замалек, но тоа не се случи. Во текот на летото, сепак, Еванс може да си замине само за 3 милиони фунти, кои се утврдени во договорот при евентуално испаѓање на тимот.