Арсовска го посети првороденото бебе во Скопје

Градоначалничката на Град Скопје, Данела Арсовска го посети првороденото бебе во новата година на кое му додели штедна книшка со 20 илјади денари и пригодни подароци.

„Првороденото бебе во Скопје во 2023 година се роди на само минута по полноќ на Универзитетската Клиника за Гинекологија и акушерство Скопје. Град Скопје на мајката и првороденото бебе во новата година им посака многу здравје и радости, со штедна книшка со 20 илјади денари и пригодни подароци“, сподели Град Скопје.

За родилката Стојанка Панајотова, Ване е прво дете. На Стојанка и нејзиното семејство Град Скопје им посакува здравје, спокој, среќа во годините кои претстојат, заедно да се радуваат на успесите, додаваат од Град Скопје.