Атанасовски: Петков треба да ги вади „жешките костени“ што ги оставија Борисов и Каракачанов

Политичкиот аналитичар Благојче Атанасовски смета дека во најмала рака треба да бидеме претпазливи и умерени оптимисти во спорот со Бугарија, по доаѓањето на премиерот Кирил Петков во Македонија.

-Петков даде сосема поинаков тон и реторика во однос на македонското прашање. Денес гледаме поумерен, цивилизациски и европски тон во решавање на спорот. За жал, бугарскиот премиер следува употребено вето. Петков треба да ги вади жешките костени, кои му останаа во наследство од претходната владеачка гарнитура, предводена од Борисов, Каракачанов и Захариева. Треба да извадиме позитивна реториика со позитивен импулс на иднината. Сметам дека постои простор на надеж за да се средат работите, потенцира Атанасовски во емисијата „Студио 10“.