Агенцијата за аудио и аудиовизуелни медиумски услуги (АВМУ) повторно ги повика медиумите да се придржуваат до највисоките професионални и етички стандарди при информирањето за погребите на жртвите од трагичниот пожар во Кочани.Во своето соопштение, АВМУ нагласи дека при пренесувањето на информации, вклучително и на социјалните мрежи, мора да се почитува личната болка и жалоста на семејствата, роднините и најблиските на загинатите, дозволувајќи им достоинствено збогување со саканите.
„Агенцијата за аудио и аудиовизуелни медиумски услуги уште еднаш ги повикува медиумите да се придржуваат до највисоките професионални и етички стандарди при информирањето за погребите на жртвите во трагичниот пожар во Кочани.При пренесувањето на информациите, вклучително и преку социјалните мрежи, задолжително треба да се почитува личната болка и жалост на семејствата, роднините и најблиските на загинатите и да им се дозволи достоинствено да се збогуваат со саканите. Медиумите не треба да објавуваат фотографии и видеа со гробни места, блиски членови на семејствата и треба да ги почитуваат приватните моменти за дополнително да не ја зголемуваат болката на ужалените“ стои во соопштението