Еден ден по затворањето на преодниот рок, шефот на Реал Мадрид, Карло Анчелоти коментираше за неговиот тим и за ситуациите на некои од играчите кои добија помала минутажа минатата сезона, но сепак останаа на „Сантијаго Бернабеу“.
„Оваа сезона сме пофаворизирани поради она што го правевме во претходната сезона. Мислам дека Ла Лига ќе биде понеизвесна оваа година. Моментално нема јасен фаворит во Лигата на шампионите, во зависност од тоа што ќе се случува во март и април. Сега имаме помалку сомнежи во однос на лани. Имаме многу добар состав. Ќе се натпреваруваме и ќе се бориме. Многу сум задоволен од трансфер пазарот бидејќи сепак ќе можам да сметам на играчите кои можеа да си заминат“, вели Италијанецот.
„Еден Азар? Работи добро. Повторно ви кажувам дека тој ќе има поважна улога отколку во минатата кампања. По само три натпревари, тешко е да се процени сезоната што е пред нас. Марко Асенсио е среќен што останува тука. Го знаеме него и тој го знае составот. Тој беше важен за нас минатата сезона и ќе биде повторно оваа сезона. Себаљос? Дани многу добро ја знае својата улога овде. Свесен е дека многу го цениме, а има квалитет. Мислам дека ја чувствува нашата љубов затоа што е играч кој ни се допаѓа и го надополнува нашиот среден ред поради неговите многу добри карактеристики“, изјави Анчелоти на својата прес-конференција во пресрет на мечот со Бетис.