Еден Азар, кој се откажа од фудбалот, призна дека се уште нема планови за својата иднина. 33-годишниот Белгиец официјално се повлече од фудбалот во октомври минатата година откако му истече договорот со Реал Мадрид.
Викендот отпатува за Лил за во живо да го следи ремито со Рен (2:2) и да се види со своите познаници во клубот.
„Добро се забавувавме. Жално за исходот. Поминав три или четири часа во прекрасно друштво. Повративме убави спомени. Беше добро да се видам со сите повторно и да разговарам со луѓе кои не сум ги видел со години. Имавме некои убави моменти. За мојата иднина? Ќе видиме. Во моментов сакам да уживам во семејството и да патувам. Неопределен сум што е следно. Млад сум, само 33, животот е долг.Беше одлично да се видам со колегите и пријателите од минатото“, изјави по мечот Азар.