Баерн ја започнува промената со играч од средниот ред на Порто

Извидниците на Баерн (Минхен) во живо ги следеа настапите на дефанзивниот играч за врска на Порто, Алан Варела на натпреварот со Виторија Гимараеш минатиот викенд, пишува „О Јого“. 22-годишниот Аргентинец беше еден од најдобрите и најконстантните играчи на „змејовите“ оваа сезона и се очекува да биде продаден на лето.

Ослободувачката клаузула на играчот од средниот ред е 70 милиони евра.

Интерес за неговите услуги имаат и од Ливерпул, Манчестер Сити, Манчестер Јунајтед, Челси и Атлетико Мадрид.

Дотичниот е дел од Порто од минатото лето кога беше купен од Бока Јуниорс.