Напаѓачот на Ајакс, Себастијан Алер е приоритетна опција за Баерн Минхен како потенцијална замена за полскиот голгетер Роберт Левандовски, пишува Диарио АС.
Баварците не сакаат да се разделат со Левандовски, чиј договор со клубот истекува во 2023 година, но зад сцената се подготвуваат за можна ситуација во која летово ќе го продадат Полјакот за да не го загубат без пари за 12 месеци.
Главен кандидат за потписот на Лева е шпанскиот гигант Барселона.
Сепак, по многу силната сезона со дресот на Ајакс, Алер не е единствениот фудбалер на радарот на германските гиганти. Баварците имаат сериозен интерес за уште двајца играчи на клубот од Амстердам – средниот бек Рајан Гравенберг и дефанзивецот Нусаир Мазрауи.
27-годишниот напаѓач од Брегот на Слоновата Коска, Алер има 33 гола и 9 асистенции во 39 натпревари за Ајакс во сите натпреварувања оваа сезона.