Неколку часа пред неговата прва дебата со претседателот Доналд Трамп, кандидатот за претседател на Демократската партија, Џо Бајден, објави даночен извештај за 2019 година, а неговата кампања го повика Трамп, кој е на удар на критики поради тоа што не објави извештај за даночна пријава, да го стори истото.
Даночниот извештај за 2019 година беше објавен и за кандидатот на Бајден за потпретседател на САД, Камала Харис.
Даночната пријава на Бајден покажува дека тој и неговата сопруга Џил платиле повеќе од 346 000 долари даноци и други поволности во 2019 година и дека тие заработиле околу 985.000 долари пред да побараат отпис на данок од скоро 47.000 долари, за кој тврдат дека се преплатени на властите
Претходно, заменик-менаџерот на кампањата на Бајден, Кејт Бедингфилд, изјави дека „ова е историско ниво на транспарентност чија цел е да им даде на американскиот народ уште еднаш верба дека нивните водачи ќе се грижат за нив, а не за своите резултати“, објави Ројтерс.
Да потсетиме, првата дебата за претседателските избори се одржува во Охајо вечерва, и ова ќе биде една од трите за време на изборната кампања.