Американскиот претседателски кандидат Џо Бајден и групите од Демократската партија во тесна соработка со него собраа 70 милиони долари за време на четиридневната конвенција оваа недела, соопшти предизборниот штаб на Бајден.
Телевизиското емитување на конвенцијата привлече 122 милиони прегледи на 15 дигитални радиодифузни платформи и привлече 85,1 милиони телевизиски преноси, велат од кампот на Бајден.
Кампањата на републиканскиот претседател Доналд Трамп и блиските сојузнички групи собраа 165 милиони американски долари за време на типично анемичниот месец јули за собериње средства, повеќе од 140 милиони долари собрани од неговиот демократски ривал, соопштија од штабот на Трамп овој месец.
Тој резултат му дозволува на Трамп да влезе во последната фаза од претседателската кампања на САД со мала предност.
Групите поддржани од Трамп и републиканците сега имаат повеќе од 300 милиони американски долари на располагање за да инвестираат во рекламирање, активисти кои шират партиска пропаганда и други политички трошоци, во споредба со 294 милиони долари на Бајден.
Виртуелната демократска национална конвенција заврши во четвртокот вечерта со прифаќањето на номинацијата на партијата на Бајден за време на говорот во кој се обвинува Трамп за хаотичен претседателски мандат со кој ја подели нацијата.
Последната вечер на конвенцијата привлече околу 24,6 милиони гледачи на телевизија, пренесе агенцијата за рејтинг Нилсен.
Четиридневната републиканска конвенција, мешавина од виртуелни и настани во живо за време на кои Трамп ќе ја прифати номинација на партијата, започнува во понеделник, пренесува Ројтерс.