На церемонија пред Капитол во Вашингтон, демократот Џо Бајден положи заклетва. Тој рече дека „демократијата победи“, пренесува Дојче Веле.
Џо Бајден е новиот претседател на Соединетите држави. Бајден положи заклетва пред судијата на Врховниот суд на САД, Џон Робертс, на западната страна на Капитол во Вашингтон. Пред него, Камала Харис положи заклетва. Бајден беше придружуван од неговата сопруга Џил. Во рацете држеше Библија, на која 78-годишниот Бајден положи заклетва. Потпретседателката Камала Харис положи заклетва пред судијката на Уставниот суд Соња Сотомејзор. Харис е првата жена во историјата на САД која служела како потпретседател. 56-годишната жена е исто така првата црна жена на таа позиција.
Во својот говор по заклетвата, Bо Бајден побара од сите Американци да се заложат за повторно обединување на земјата. Без единство, нема мир и напредок, само горчина и лутина, рече тој. Тој „со цело срце ќе се залага за обединување и помирување“. „Јас ќе бидам претседател на сите Американци“, вети Бајден. Тој исто така ја истакна силата на американската демократија. „Во овој момент, мои пријатели, победи демократијата. Ова е ден на демократија, историски ден и ден на надеж за обнова и одлучност “, рече Бајден. Тој исто така истакна дека не станува збор за победа на еден кандидат, туку за владеење на народот.