Бајден: Никогаш нема да ги признаеме референдумите во Украина

Американскиот претседател Џо Бајден изјави дека референдумите за анексија на четири региони на Украина кои се под контрола на проруските сили се „измама“ и посочи дека Вашингтон никогаш нема да ги признае нивните резултати.

Бајден вчера објави дека референдумите се „лажен изговор за обид за анексија на делови од Украина“ со сила и со флагрантно кршење на меѓународното право, вклучително и Повелбата на Обединетите нации, пренесува Си-Ен-Ен.