Американскиот претседател Џо Бајден и неговата сопруга Џил пристигнуваат во Њујорк за да присуствуваат на настаните по повод 20 -годишнината од нападите на 11 септември, соопшти во петокот Белата куќа.
Авионот на американскиот лидер слета на аеродромот Ла Гвардија во 20:51 часот по локално време. Претседателот и првата дама заминаа за областа Менхетен, каде во сабота ќе се одржи церемонија во спомен на жртвите од терористичките напади. Бајден по церемонијата во Њујорк ќе отпатува во Шенксвил, Пенсилванија и предградијата на главниот град.
На 11 септември 2001 година, 19 терористи на Ал Каеда киднапираа четири американски патнички авиони за време на нивните летови. Два од нив ги удрија во кулите на Светскиот трговски центар – највисоките згради во тоа време во Њујорк, а трет во зградата на Пентагон во предградието на Вашингтон.
Четвртиот авион, исто така, се движел кон главниот град на САД, но се урнал во близина на градот Шенксвил. Како резултат на терористичките напади, 2.977 луѓе, кои беа државјани на 90 земји, загинаа, а повеќе од 6.000 луѓе беа повредени.