Барселона не започнала толку лошо во Примера веќе подолго време. Од последните шест натпревари, само еден е добиен (доживеа порази од најголемите конкуренти во борбата за титулата – Реал и Атлетико), и сето тоа резултираше со 12-та позиција на табелата и двоцифрено заостанување во однос на лидерот од Сан Себастијан.
Каталонците ќе имаат три малку полесни натпревари во лигата, против Осасуна, Кадиз и Леванте, па затоа не треба да се пропушти максималниот учинок. Од тие причини, Роналд Куман е подготвен да го жртвува натпреварот од Лигата на шампионите против Динамо од Киев.
Холандскиот стручњак на денешната прес-конференција го објави списокот на играчи кои одат во Украина. Покрај повредените Пике, Бускетс, Серхио Роберто, Умтити и Фати, ги нема ниту Лионел Меси ниту Френки де Јонг, кој ќе биде поштеден од долг пат и тежок натпревар.
„Одлучивме да не ги водиме Меси и Де Јонг. Имаме прилично пријатна ситуација во групата, сите три победи и им треба пауза“, ја објасни Куман својата одлука.
Поради новонастанатата ситуација, шанса би можеле да добијат Матеус, Конрад де ла Фуенте и Оскар Мингеза, фудбалери од младинскиот тим.