Фудбалерите на Барселона донесоа ново засилување кое го потпишаа на шест години, а неговата откупна клаузила е астрономска уште сега.
Седумнаесетгодишниот Турчин Емре Демир пристигна во екипата Барса Б од Кајзериспор и ќе биде платен два милиони евра плус додатоци.
Турскиот тинејџер доби договор до 2027 година, а она што е особено интересно е колку клубот го цени – ни помалку ни повеќе од 400 милиони евра.
Демир останува во Кајзери до крајот на сезоната, по што се сели во Каталонија. Роден е во јануари 2004 година во Мерсин и игра со левата нога.
Може да се снаоѓа во која било позиција во средниот ред од теренот, иако неговата улога како организатор на играта е онаа која првенствено ја покрива.
❗ [BREAKING NEWS]
✍ Agreement to sign Emre Demir
🆕 17-year-old Turk to join Barça B from Kayserispor next season for 2 million euros plus variables on a contract until 30 June 2027#ForçaBarça 💙❤ https://t.co/FQiGMOCSBa
— FC Barcelona B (@FCBarcelonaB) September 23, 2021
Се очекува момчето високо 175 сантиметри да ги искористи своите вештини за да создаде шанси за голови, а на Каталонците им се допадна и тоа што се враќа во одбраната.
Дебитираше во турското првенство како сениор пред две години, кога имаше само 15 години.
Тој стана и еден од најмладите стрелци во историјата за Кајзери во турската Супер лига, а досега има постигнато три гола на 31 натпревар.