Од Барса се подготвени да извадат до 100 милиони евра за централниот дефанзивец на германскиот Ред Бул Лајпциг, Дајо Упамекано, тврди „Телефут“.
Каталонците се импресионирани од претставувањето на 19-годишниот Французин и го сакаат по секоја цена во своите редови, но јасно сфаќаат дека тој нема да им излезе никако евтино и ќе треба да понудат сериозна сума за негово привлекување.
Во оваа сезона, младиот фудбалер има 36 натпревари и 1 гол за германскиот тим на сите турнири.
Тој е еден од првите играчи во списокот на тренерот на каталонците Ернесто Валверде и нема да биде изненадување наскоро да пристигне на „Ноу Камп“.
Дајо ја започна својата кариера во австриски Лиферинг, а потоа преминува во редовите на Ред Бул Салцбург, каде одигра 17 натпревари, пред да биде пратен во другиот тим на Ред Бул – германски Лајпциг.