Барселона е блиску до финализирање на новиот договор на Ламин Јамал

Фудбалскиот гигант Барселона е блиску до финализирање на нов договор со 17-годишната ѕвезда Ламин Јамал, објави весникот „Спорт“.

Долгорочните договори во Шпанија се дозволени само од 18 години. Според информациите, Јамал ќе потпише договор на пет години кога ќе наполни 18 години на 13 јули.

Неговиот тековен договор е важечки до крајот на јуни следната година.

Во септември, весникот „Марка“ објави дека раководителите на тимот од Ла Лига планираат да му понудат на шпанскиот крилен напаѓач и европски шампион „супер договор“ на неговиот 18-ти роденден.