Барселона е многу блиску до доведување на Џонатан Та, германскиот репрезентативен стопер и еден од клучните играчи на Баер Леверкузен.
Неговото доаѓање е веќе договорено, тврди Мундо Депортиво, а тој треба да стане дел од тимот во јануари или најдоцна следното лето. Сепак, доаѓањето на 28-годишниот дефанзивец ќе има значителни последици за актуелниот штаб на клубот, особено за данскиот дефанзивец Андреас Кристенсен и младиот Ерик Гарсија.
Доаѓањето на Та на Барселона и носи ново решение во одбраната, но го поставува прашањето за иднината на Кристенсен и Гарсија. Двајцата не успеаја да го убедат тренерот Ханси Флик дека може долгорочно да смета на нив. Во клуб кој е соочен со финансиски проблеми и ограничувања во рамките на правилата на финансискиот фер-плеј, продажбата на играчи станува неопходност за да се ослободи буџетот и просторот за плати.
Гарсија, кој имаше проблеми со повреди оваа сезона, се повеќе е маргинализиран. Дури и кога беше целосно фит, тој ретко беше изборот на Флик. Од друга страна, Кристенсен го загуби местото во тимот поради повреда на почетокот на сезоната. Со враќањето на Роналд Араухо и подемот на млади таленти како Пау Кубарси, Кристенсен може да се најде целосно надвор од конкуренција. Ако на тоа се додадат финансиски причини, продажбата на данскиот дефанзивец станува многу веројатна опција.