Барселона повторно ќе се обиде за Луис Дијаз

Ситуацијата на колумбиското крило Луис Дијаз во Ливерпул и понатаму е комплицирана, што би можело повторно да го разгори интересот на Барселона за фудбалерот, тврди Teamtalk.

Дијаз веќе беше баран од Каталонците во летото како алтернатива на Нико Вилијамс, но остана во Ливерпул, каде што не чувствува дека неговата улога целосно се цени.

Дијаз пристигна на „Енфилд“ во зимскиот преоден рок 2021/22 и има договор до 30 јуни 2027 година.

Тој е клучен играч во плановите на Арне Слот и покрај тоа што е еден од најниско платените играчи на клубот.

Главниот фокус на Ливерпул е ставен на ситуацијата со договорите на Мохамед Салах, Вирџил ван Дајк и Трент Александер-Арнолд, но и покрај ова клубот започна преговори со Дијаз кои засега не дадоа резултат.