Брзиот пробив на Ламин Јамал во големиот фудбал почнува се повеќе да ги загрижува шефовите на Барселона, тврди „Радио Марка“. Пред само една година беше сосема непознато момче во школата Ла Масија, а денес 17-годишниот фудбалер веќе е европски шампион со Шпанија и еден од најдобрите играчи во светот.
Проблемот доаѓа од фактот што Јамал со својот брз раст привлекува сè повеќе внимание на медиумите и обожавателите кон себе, а тој сè уште е на кревка возраст, а тоа во одреден момент може да се покаже како преголем товар за неговите рамена. Така, во Барса се обидуваат да помогнат работите да не излезат од шините, за да не дојде до точка кога играчот ќе ја изгуби контролата.
Првиот загрижувачки чекор што го направи Јамал беше смена на својот агент. Тој го замени Иван де ла Пења со Жорге Мендеш. На „Камп Ноу“ сметаат дека ќе беше подобро играчот да остане под закрилата на Де ла Пења, кој многу подобро ја познава ситуацијата во клубот и може поуспешно да му ја пружи потребната поддршка во тешките моменти.
Покрај тоа, во последните месеци Јамал помина низ толку многу промени во животот што ретко им се случуваат на луѓе на негова возраст. Пред само една година го забележа првиот професионален натпревар, а денес има статус на суперѕвезда. Покрај тоа, тој потпиша и промотивен договор со агенцијата на Жерар Пике „King’s League“, поради што мора да биде се почесто во центарот на вниманието и да дава се повеќе интервјуа. Пред само неколку недели, неговиот татко беше избоден со нож на улица и се уште се опоравува од тој инцидент.
Тоа се многу работи со кои на тинејџер би му било тешко да се справи. Токму поради тоа Барса се надева дека ќе може да му помогне да го помине овој период, за да може да продолжи со својот раст. Каталонците се многу внимателни да не му се случи истото што и на Бојан Кркиќ, кој исто како Јамал се проби на прилично млада возраст, но не можеше да го издржи притисокот и никогаш не успеа да го развие својот талент, а на крајот кариерата му пропадна.