Баша: Албанската економија е пред колапс

Лидерот на најголемата албанска опозициска Демократска партија, Љуљзим Баша, тврди дека економијата, вработеноста и стандардот на граѓаните се пред колапс.

Како што рече, тоа се гледа по речиси шестгодишното владеење на премиерот, Еди Рама.

„Албанците изгубија надеж, стотици илјади ја напуштија земјата, а другите се обидуваат да ја напуштат. Младите се невработени, без надеж, со пропаднат образовен систем. Протестираат, додека илјадници од нив иднината ја гледаат во странство“, изјави Баша.

Тој тврди дека странските инвестиции бележат пад по завршетокот на некои големи проекти наследени од претходната Демократска влада, а странците кои се обидуваат да инвестираат во Албанија, во тоа ги спречува олигархиско-мафијашкиот систем.