Светот до пред неколку месеци со големо интересирање ги очекуваше најавите и изјавите на Европската централна банка (ЕЦБ) за одлуките поврзани со монетарната политика, а пред се за клучните каматни стапки како главна „алатка“ за намалување на инфлацијата.
Со оглед на забавувањето на инфлацијата во Европа, но и јасните сигнали за слабеење на економската активност во еврозоната, на пазарите веќе подолго време се шпекулира кога ЕЦБ би можела да одлучи да ги намали каматните стапки.
Во секој случај, беше потврдено дека каматните стапки засега ќе останат непроменети: депозитна стапка од 4 отсто, каматна стапка за операции за главно рефинансирање 4,50 отсто и каматна стапка за можност за задолжување – 4,75 отсто.
Фокусот на аналитичарите, како и во пресрет на претходната сесија на почетокот на ноември, беше повеќе фокусиран на суптилните пораки од лидерите на Европската централна банка и на сигналите за можниот тајминг на почетокот на намалувањето на клучните каматни стапки и очекувањата во овој поглед во моментов се движат – најмногу – меѓу март и јуни 2024 година, пишува „Пословни дневник“.
Во однос на реториката, ФЕД ден пред ЕЦБ очигледно ги надмина очекувањата.
По состанокот на американската централна банка во средата, Џером Пауел го изрази своето задоволство од надолната траекторија на инфлација без силен пораст на невработеноста, и иако беше истакнато дека инфлацијата се уште е покачена, а економските показатели внимателно ќе се следат. Претставниците на ФЕД наведоа за 2024 година три намалувања на каматните стапки (за 75 базични поени).
Ова резултираше со силен раст на берзата и пад на приносите на обврзниците.
Сепак, по последниот состанок Европската централна банка објави дека инфлацијата е намалена во последните месеци, но дека најверојатно на краток рок повторно привремено ќе се зголеми.
Во најновите макроекономски проекции за европската област, за 2024 година, се предвидува дополнително постепено намалување на инфлацијата, притоа приближувајќи се до целта од два проценти во 2025 година. Експертите во моментов предвидуваат просечната вкупна стапка на инфлација за оваа и следната година да биде благо пониско од пред два месеци: годинава „по ново“ ја гледаат на 5,4 отсто, а следната на 2,7 отсто, додека една година подоцна треба да се намали на 2,1 отсто.
Што се однесува до понатамошните одлуки, се вели дека тие ќе постават „нивоа на клучни каматни стапки што ќе бидат рестриктивни онолку долго колку што е потребно“.
И овојпат особено беа нагласени очекувањата за базичната инфлација во еврозоната. Имено, таа забавува, но домашните ценовни притисоци се сè уште силни, што првенствено се припишува на силниот пораст на трошоците за работна сила.