111
Американскиот претседател Џозеф Бајден изјави дека „не жали“ за откривањето на доверливи документи во неговиот дом и поранешна канцеларија и верува дека проблемот ќе биде решен.
„Не жалам. Мислам дека ќе откриете дека нема ништо таму. Целосно соработуваме и со нетрпение очекуваме брзо да го решиме ова прашање“, им рече Бајден на новинарите во четвртокот додека беше на турнеја за штетите од невремето во Калифорнија.
Тој додаде дека документите веднаш по нивното пронаоѓање се предадени на Државниот архив.