Вицепремиерот за економски прашања, Фатмир Битиќи денеска информира дека согласно Законот за енергетика, иако нема лиценца, БЕГ има должност да ја врши јавната дејност за производство, дистрибуција и снабдување на топлинска енергија, додека не се избере нов оператор.
-Денеска на седница на Владата е информацијата од РКЕ и Министерството за економија во однос на повикот. Тој ќе биде како што доликува, отворен и со можност да се пријават сите раазлични економски оператори. Имаме намера ЕСМ преку своите инструменти да аплицира на повикот и се надевам дека наскоро ќе добиеме избор и граѓаните ќе добијат топлинска енергија, како што обезбедивме и минатата година. Дотогаш, БЕГ ќе треба соодветно да си ја извршува дејноста, рече Битиќи на новинарско прашање на денешната прес-конференција во Владата.