Само за пет дена во Грција влегле 48 000 имигранти. Вкупниот број на имигрантите, кои влегле во Европа во Медитеранот, достигна 681 000 лица, соопшти Меѓународната организација за миграција.“Иако влошените временски услови, околу 48 000 имигранти и бегалци поминале од Турција до грчките острови.

Просек околу 9600 луѓе дневно преминуваат од  морето во последните пет дена “, нагласуваат од организацијата и велат дека ова е најголемиот број за период од една недела во текот на оваа година. Лезбос продолжува да прима најголем број имигранти – на островот пристигнале 27 276 лица за конкретните пет дена, објавија grreporter.info. Во истиот период на Хиос дошле 9750 луѓе. Се забележува дека додека во текот на летото на островот пристигнале во просек по 300 лица на ден, одеднаш минатата недела почнаа да пристигнуваат по 2000 луѓе дневно.

Според Меѓународната организација за миграција зголемен  е и бројот на смртни случаи со имигранти во морето во овој период. Паралелно со ова, вчера регионалниот координатор на Високиот комесаријат за бегалци на ОН Амин Ауад изјави дека руските воздушни напади и тековните борби околу Алепо во Сирија принудиле над 30 000 луѓе да ги напуштат своите родни места. Според него, внатрешната миграција во Сирија падна од 7,6 на 6,3 милиони луѓе. Ова намалување се должи на бегалските текови кон Европа, како и на фактот дека многу од мигрантите не се изброени.

Во меѓувреме, германското списание Шпигел објави информација според која ЕК сака центрите за прием на бегалците (Hotspots) да се преселат од Лезбос и Кос во еден поголем центар во Атина. Тој ќе биде формиран во поранешното Олимписко село, ќе може да прифати 40 000-50 000 лица и ќе биде под управа на FRONTEX и на Високиот комесаријат за бегалци на ОН. Во публикацијата се забележува дека грчката влада веќе изразило загриженост во врска со овој план.Германскиот канцелар Ангела Меркел сака на самитот за врвот во Брисел денеска  да постигне суштинско подобрување на работата на т.н. “hotspots” – жаришта. Според неа распределбата на бегалците внатре во ЕУ треба да се врши директно од приемните центри. Планира   флаери на арапски јазик, кои да  се запознаваат бегалците со механизмот на дистрибуција. Списанието забележува дека во Грција веќе се попишуваат координирано бегалците и се земаат отпечатоци. Но, повеќето од нив одбиваат да поднесат барање за азил – од страв да не бидат депортирани или испратени во европска држава во која не сакаат да живеат.

Според “Шпигел”, главниот проблем е дека грчките острови не можат да се справат со бегалската бран и затоа ЕК сака центрите да се преселат на  копното. “Јункер и Меркел треба допрва да ја  убедат грчката влада во користа од овој план. Премиерот Ципрас се плаши дека центри со толку многу бегалци ќе личат на  концентрациони логори. Освен тоа доаѓањето на странски службеници ќе ги потсети  Грците за должничката криза и за омразата кон тројката  “, нагласува списанието.