Американскиот амбасадор во земјава, Џес Бејли, денеска по средбата со претседателот Ѓорге Иванов повторно ја осуди одлуката за сопирање на судските процеси против политичарите и повика да се избегне насилството.
Mass pardon = impunity = obstacle to credible elections, Euro-Atlantic path. 1/2
— Amb. Jess Baily (@AmbBaily) April 14, 2016
Peaceful demonstration is a fundamental democratic right. Violence/vandalism is not. 2/2
— Amb. Jess Baily (@AmbBaily) April 14, 2016
„Масовното помилување е еднакво на неказнивост и е еднакво на пречка за веродостојни избори и евроатланскиот пат. Мирните демонстрации се фундаментално право. Насилството и вандализмот – не“, твитна Бејли.
Бејли и евроамбасадорот Аиво Орав денеска попладне се сретнаа со претседателот Иванов. На средбата, за која чекаа два дена, е разговарано за одлуката за аболиција. Сепак, повеќе детали не се откриваат.
Иванов во обраќањето до нацијата рече дека политичката криза во земјата е креирана и увезена однадвор и оти тој сам ја донел одлуката, која има цел да стави крај на ситуацијата што не успеа да се надмине со Договорот од Пржино.