Бекер: Ѓоковиќ мора да го жртвува своето семејство за да биде бр.1

Поразот на Новак Ѓоковиќ од јапонскиот тенисер Таро Даниел во вториот круг на „Мастерс“ турнирот во Индијан Велс шокираше многумина. Србинот не беше во вистинска форма и изгледаше уморен, но неговиот поранешен тренер Борис Бекер даде одговор за причините за лошата физичка форма на Ноле.

Според шестикратниот Гренд слем шампион, Ѓоковиќ не е доволно посветен на тенисот.

„Тој е среќен семеен човек кој многу време поминува со својата сопруга и децата, но за да биде број 1 во светот мора да биде 100% посветен на овој спорт во секое време. Тој е паметен човек и знае што да прави. Тоа се вика „жртва“, рече Бекер во интервју за Си-Ен-Ен.