Белата куќа тврди дека Иран подготвува напад врз Израел

Белата куќа објави дека Иран подготвува напад со балистички ракети врз Израел, пренесува Си-Ен-Ен.

„САД имаат индикации дека Иран се подготвува наскоро да изврши балистички ракетен напад врз Израел. Активно ги поддржуваме одбранбените подготовки за одбрана на Израел од овој напад. Директен воен напад на Иран врз Израел ќе има тешки последици за Иран“, изјавил висок функционер на Белата куќа во изјавата што ја пренесе Си-Ен-Ен.

Тензиите меѓу Израел и Иран значително се зголемија во последните недели бидејќи Израел ги засили своите операции против Хезболах во Либан, милитантна група поддржана од Иран.