167
Белгискиот премиер Александар де Кро денеска изјави дека властите во земјата започнуваат истрага за наводното руско мешање во изборите за Европскиот парламент што ќе се одржат во јуни.
„Белгиските разузнавачки служби го потврдија постоењето на проруски (изборни) мрежи за мешање во активностите во неколку европски земји, а исто така и овде во Белгија“, изјави за новинарите Де Кро, чија земја во моментов претседава со Европската унија.
Тој додаде дека белгиското разузнавање соработува со чешките власти по откривањето на група луѓе во Чешка, кои наводно ширеле проруско влијание.