Белингам му одговори на дефанзивецот кој се закани дека ќе го нокаутира Винисиус

Ѕвездата на Реал Мадрид, Џуд Белингем, се обрати кон дефанзивецот на Мајорка, Пабло Мафео за време на натпреварот помеѓу двата тима во полуфиналето на шпанскиот Суперкуп. „10 секунди, а? 10 секунди бокс, нели? Ти си идиот“, биле зборовите на Англичанецот, пренесува „Марка“.

Мафео пред натпреварот даде изјава дека за 10 секунди ќе го нокаутира крилниот напаѓач на „белите“ Винисиус Жуниор доколку имаат боксерски меч еден против друг.

За време на натпреварот од Суперкупот, дефанзивецот на Мајорка влезе во неколку расправии со играчите на Реал, меѓу кои и со самиот Винисиус. Во 13. минута Мафео падна на земја откако Бразилецот го турна во гради.