Литванија прогласи вонредна состојба поради приливот на мигранти од Белорусија во последните неколку дена, а министерот за внатрешни работи Агне Билотаит изјави дека мерката не е воведена од безбедносни причини, туку за поефикасно управување со миграцијата.
Литванската влада воведе вонредна состојба откако во последните неколку дена над 150 мигранти илегално ја минаа литванско-белоруската граница.
– Многу е важно да имате правен систем и инструменти за да можете брзо да носите одлуки како одговор на новите предизвици – рече министерот.
Бројот на задржани мигранти на границата е три пати поголем од претходно, соопштија литванските власти.
Снимките од надзорните камери на границата покажуваат како луѓето ја прескокнуваат оградата и трчаат преку границата.
Повеќето од овие мигранти претходно побарале азил во Литванија, а меѓу нив има Авганистанци, Камерунци, Ирачани и Сиријци.
Белорускиот претседател Александар Лукашенко неодамна предупреди дека земјата ќе ги намали граничните контроли за мигрантите без документи, како одговор на санкциите наметнати на Белорусија од страна на Европската унија.