Израелскиот министер за национална безбедност Итамар Бен Гвир одржа проценка со највисоките полициски и затворски команданти, пред очекуваното ослободување на околу 150 палестински затвореници како дел од договорот со Хамас. Бен Гвир ѝ наредил на водителката на израелската затворска служба Кети Пери да ги блокира обидите да се прослави ослободувањето на затворениците во затворските простории, се вели во соопштението од канцеларијата на Бен Гвир.
Слично на тоа, министерот за национална безбедност му рекол на началникот на полицијата Коби Шабтаи да употреби „железна тупаница“ против обидите да се прослави ослободувањето на затворениците или да се поддржи тероризмот. Тој го повика и да го зголеми полициското присуство на очекуваните локации на ослободените затвореници.
„Моите упатства се јасни: Не смее да има изрази на радост. Изразите на радост се еквивалентни на поддршка на тероризмот, прославите на победата им даваат поддршка на тие човечки ѓубриња, на тие нацисти“, нагласи тој.