Карим Бензема постигна два од своите гола за Реал Мадрид во поразот од Манчестер Сити со 3-4 во првото полуфинале од Лигата на шампионите и се најде на врвот на листата на најдобри стрелци на турнирот.
Францускиот интернационалец од почетокот на турнирот веќе постигна 14 гола и го надмина Роберт Левандовски од Баерн (Минхен), кој остана со 13 гола, а неговиот тим веќе е елиминиран.
Бензема е незапирлив во фазата на директни елиминации. Тој постигна три гола за Пари Сен Жермен и четири за Челси, а вчера додаде два гола на Сити.
🔝 2021/22 top scorers
🥇 Benzema overtakes Lewandowski…#UCL pic.twitter.com/GH47RG6iu0— UEFA Champions League (@ChampionsLeague) April 26, 2022
На третото место меѓу најдобрите стрелци во Лигата на шампионите е Себастијан Алер од Ајакс со 11 прецизни удари, но неговиот тим е надвор од конкуренција. Четврти со 8 гола е Мохамед Салах од Ливерпул.
Бензема во целата своја кариера има 85 гола во Лигата на шампионите, а со повеќе од него се само Кристијано Роналдо (140), Лионел Меси (125) и Роберт Левандовски (86).